379 WAACHA MASOMO KWA KUKOSA VYOO

 Kibao cha shule ya msingi Ibumila, Iliyopo jimbo la Kalenga, Wilaya ya Iringa.

                      Kuelekea Ibumila.

 Shule ya msingi Ibumila inayotumiwa na wanafunzi 379, ambao sasa wamefunga shule yao kwa utaratibu usio rasmi, walimu wakihofia kuibuka kwa majanga.

 Choo mbadala ambacho kinatakiwa kutumiwa na wanafunzi 379

Choo ya nyasi ya shule ya msingi Ibumila, katika Wilaya ya Iringa.

 Majengo ya vyoo vya awali ambavyo vilititia

 Mashimo ya vyoo hivi si hatari tu kuyatumia, bali nihatari hata kuyasogelea.

Choo ya shule ya msingi Ibumila ikiwa imebomoka.

Choo ya shule ya msingi Ibumila ikiwa imebomoka.

Choo ya shule ya msingi Ibumila ikiwa imebomoka.

Ibumila ikiwa imezizioma baada ya kukosa wanafunzi, kwa kukosa huduma ya vyoo, jambo ambalo linaweza kuibua majanga kwa wanafunzi na Taifa hilo la kesho.

<<<<HABARI>>>>

WANAFUNZI shule ya msingi Ibumila iliyopo Kata ya Mgama katika Wilaya ya Iringa wamelazimika kuacha masomo, na hivyo kufanya shughuli mbalimbali za kiuchumi, baada ya shule kufungwa kwa kuhofia usalama wa maisha yao.

Wanafunzi hao ambao wamekutwa wakifanya biashara mbalimbali, wengine wakiwa katika mapori waking’oa Uyoga na baadhi yao wakichunga mifugo zikiwemo Ng’ombe, wamesema wamelazimika kuwa katika mazingira hayo, baada ya vyoo vya shule kubomoka na uongozi wa shule kuamua kuifunga shule hiyo.

Rahely Nyanginywa mwanafunzi wa darasala la kwanza na dada yake Nida Nyanginywa wa darasa la nne wamesema wanalazimika kufanya biashara ya Uyoga ambao wamekuwa wakiuuza na kusaidia pato la familia.

Sara Nyanginywa na Joshua Nyang’inywa mwanafunzi wa shule ya msingi Ibumila wamesema shule yao baada ya kubomoka walimu waliwataka warudi nyumbani mpaka vyoo vitakavyokamilika, na muda huo wanautumia kuwasaidia wazazi wao.

Sophina Kihaka mmoja wa wazazi wa wanafunzi wa shule ya msingi Ibumila ameiomba serikali iwasaidia ujenzi wa vyoo hivyo ili kuwawezesha watoto wao kuendelea na masomo, kwani hali iliyopo kwa sasa shuleni hapo ni hatari kwa usalama wa wanafunzi.

Suzan Chilimila mwalimu wa shule hiyo amesema shida kubwa nikwea wanafunzi wa kike waliobarehe ambao wanashindwa kumudu haja zao pindi wanapokuwa katika siku zao (Hedhi) na kuwa kukosekana kwa vyoo ni athari kubwa kwa watoto hao wa kike.

Chilimila amesema baada ya kubomokam vyoo vya muda ambavyo vilitandikwa magogo juu ya mashimo, walimu na wanafunzi walijenga uzio wa Nyasi usio na shimo ili kupatikana kwa huduma ya haja ndogo.

Akizungumzia tatizo hilo kaimu mwalimu mkuu wa shule ya msingi Ibumila Wilfred Mheluka amesema hatua ya kufunga shule imekuja baada ya wanafunzi 379 wa shule hiyo kuwa hatarini kupata magonjwa ya mlipuko kama Kipindupindu baada ya kukosekana kwa huduma hiyo muhimu ya  vyoo.

Mheluka amesema walifiaka hatua hiyo baada ya kuona hatari iliyopo kwa wanafunzi wao, kwani vyoo vyote vimetitia na hivyo wanafunzi kukosa mahali pa kujistiri kwa haja ndogo na kubwa.

Aidha amesema awali waliwataka wanafunzi wa darasa la nne na la saba waendelee na masomo, lakini idadi ya wanafunzi hao iliwafanya washindwe kumudu uwepo wa vyoo viwili vya walimu ambavyo walipanga vitumike na wanafunzi hao.

Amesema hali hiyo ya vyoo vya Nyasi imeonekana ni hatari zaidi kutokana na vyoo vyenyewe kutokuwa na Mahimo na kipindi hiki cha msimu wa mvua mikojo kutapakaa, jambo ambalo linaweza kuibua magonjwa ya mlipuko kwa wanafunzi.

Chilimila alisema tatizo hilo la kukosekana kwa vyoo ni sugu na pia lipo kwa upande wa walimu, kwani nao hulazimika kurudi nyumbani kujisaidia kutokana na uhaba wa huduma hiyo ya vyoo, kwa kuwa vilivyopo ni viwili pekee.

“Vyoo hivi kama unavyoviona, havina staha, mwalimu unaingia wanafunzi wanakuona, havina mlango juu havijaezekwa, kwahiyo mwalimu ukiingia humo unaonekana, kwa hiyo tatizo hili la vyoonikwa upande wa walimu na wanafunzi, tunalazimika kurudi nyumbani, huko nyumbani ukifika unakuta kunamajukumu ndipo hapo unachelewa kurudi shule na kupoteza vipindi vya wanafunzi,” Alisema Chilimila.

Mwenyekiti wa serikali ya kijiji cha Ibumila Gidion Kilipamwambu, Mtendaji wa Kata ya Mgama Willium Msofu na mratibu wa elimu Kata ya Mgama Boazi Ngalutila wamekiri kuwepo kwa tatizo hilo, na kuwa wanajenga vyoo vya muda vya Nyasi ili kumaliza tatizo hilo la vyoo.

Msofu na Ngalutila wamesema kukwama kwa ujenzi wa miundombinu ya shule hiyo, kunatokana na migogoro ya mara kwa mara, baina ya wananchi na baadhi ya viongozi wa serikali ya kijiji, jambo linalokwamisha shughuli nyingi za maendeleo, hususani jenzi mbalimbali.

Viongozi hao wamesema suala hilo linahitaji ufumbuzi wa haraka zaidi ili kuwanusuru wanafunzi ambao kwa sasa ambao wanatangatanga mitaani, huku baadhi yao wakifanya shughuli hatarishi ambazo zitasababisha kuikosa elimu.

Viongozi hao walikwenda mbali zaidi na kusema baadhi ya wanafunzi wanaweza wakakumbwa na changamoto mbalimbali huko mitaani na katika mapori wanapookota Uyoga, na kubwa zaidi ni wanafunzi wa darasa la nne nala saba kufanya vibaya katika mitihani yao.

MWISHO.

WASANII IRINGA WAFANYA KUFURU "KANUMBA DAY"

 T.Shirt za kikundi cha Prince Production cha Iringa mjini, zilizovaliwa katika siku ya "Kanumba Day", kama ni sehemu ya kumuenzi marehemu Kanumba, ambapo wasanii wa kikundi hicho cha Prince Production kiliweza kuwatembelea wagonjwa na kutoa misaada kwa wagonjwa waliolazwa katika Hospitali ya Mkoa wa Iringa.

 Mackdonad Msemwa msanii wa kikundi cha Prince Production akiwa nje ya moja ya Wodi ya wagonjwa kabla ya kuanza kutoa misaada kwa wagonjwa, kama ni sehemu ya kumuenzi msanii Steven Kanumba, ikiwa ni miaka miwili tangu afariki dunia.

Prince Henry akiwa amemnyanyua mtoto katika wodi ya watoto waliolazwa katika Hospitali ya mkoa wa Iringa, ambapo pia kikundi cha wasanii cha Prince Production kimetoa misaada mbalimbali pamoja na kuwajulia hali wagonjwa wa Hospitali hiyo kama ni sehemu ya maadhimisho ya miaka miwili ya kifo cha msanii mwenzao Steven Kanumba "The Great"

Mmoja wa wagonjwa akisubiri kupokea msaada huo kutoka kwa wasanii wa kikundi cha Prince Production.

Samuel Manumba, msanii wa sanaa ya maigizo mkoani Iringa, akiwa nje ya Hospitali ya mkoa wa Iringa kabla ya kuingia katika word mbalimbali kuwaona wagonjwa.

 Wasanii wakitoa baadhi ya misaada kwa wagonjwa wa Hospitali ya Mkoa wa Iringa, kama ni sehemu ya kumuenzi Steven kanumba, kutimiza miaka miwili tangu afariki dunia.

  Wasanii wakitoa baadhi ya misaada kwa wagonjwa wa Hospitali ya Mkoa wa Iringa, kama ni sehemu ya kumuenzi Steven kanumba, kutimiza miaka miwili tangu afariki dunia.

 Wasanii wakiwa na wagonjwa hospitali ya mkoa wa Iringa.

Magreth Mfikwa akiwa wasanii wa kikundi cha Prince Production Kushoto ni mkurugenzi wa kampuni ya Prince katikati ni  Samwel Manumba na kulia ni Mackdonad Msemwa

<<<HABARI>>>

KATIKA kumuenzi marehemu Steven kanumba wasanii wa sanaa ya maigizo mkoani Iringa, wameitumia siku hiyo ya kumbukumbu ya kifo cha msanii Steven Kanumba kwa kufanya shughuli za kijamii, ikiwa pamoja na kuwatembelea wagonjwa na kutoa misaada mbalimbali .

Wasanii hao wamesema Kanumba alikuwa ni kioo sahihi katika jamii, na kamwe mambo aliyoyafanya hayawezi kufutika katika mioyo ya Watanzania, kwani  aliweza kuyasaidia makundi mbalimbali yenye uhitaji.

Prince Henry mratibu wa “Kanumba Day”kutoka kikundi cha Prince Production cha mkoani Iringa amesema wameamua kumuenzi msanii mwenzao kwa kufuata nyayo zake alizokuwa akizifanya, ili kuyaendeleza matendo yake mema katika jamii.

Henry amesema ipo haja kwa wasanii wote nchini kutenga siku hiyo ya kumbukumbu ya kifo cha Kanumba kwa kufanya shughuli za kijamii ili kuyaendeleza yale mema aliyoyapanda katika mioyo ya Watanzania.

“Kanumba The Great alikuwa ni kioo sahihi kwetu wasanii na jamii kwa ujumla, ni mfano mzuri wa kuigwa, kwani hata leo haya tunayoyafanya ni msukumo wa yale mema aliyoyafanya kwa makundi mbalimbali yenye uhitaji kama wagonjwa, watoto yatima na walemavu, na sisi kama wasanii wa Iringa tumeona tukumbuke matendo yake kama ni sehemu ya kuomboleza kifo chake,” Alisema Henry.

Mackdonald Msemwa msanii wa kikundi cha Prince Production naye amesema umuhimu wa siku hiyo ndiyo imewafanya kuwatembelea wagonjwa, kwani hakuna msanii mwenye sifa zinazofanana na marehemu Kanumba.

Swabra Juma amesema wameamua kuwatembelea wagonjwa hasa katika wodi muhimu za akinamama na watoto ili kuiendeleza mbegu aliyoipanda Kanumba ya kujitolea katika jamii jambo ambalo limeweka dira isiyofutika katika mioyo yao.

Samwel Manumba wao kama wasanii mkoani Iringa, wanaopaswa kudumisha utamaduni huo ambao ulianzishwa na  muasisi wao Steven Kanumba.

"Kanumba alikuwa ni mtu wa kujichanganya katika jamii kwa kutoa misaada mbalimbali na hata kuwatembelea wagonjwa, yatima na watu wote wenye shida, leo hii mioyo yetu imeguswa kuyafanya yale aliyokuwa akiyafanya Kanumba, ni sawa ametutoka lakini ndani ya nafsi zetu bado anaishi na yupo hai,” alisema. Samweli Manumba.

Rehema Madawili na Sophia Kalopo baadhi ya wagonjwa waliopatiwa msaada huo wamewashukuru wasanii hao ikiwa pamoja na kuwaasa wasanii hao kuwa na umoja katika matatizo mbalimbali kwa lengo la kukuza tasnia ya sanaa nchini.

Hata hivyo Magreth Mfikwa mama aliyejifungua watoto watatu mapacha siku ya Kanumba, amesema kwake yeye ni siku ya furaha kuwapata watoto hao, huku akiitaka jamii kuithamini taaluma ya sanaa na kuona ni kazi kama zilivyo kazi nyingine.

Magreth amejifungua watoto mapacha watatu, wawili wakiwa watoto wa kike na mmoja wa kiume, ambapo mama wa watoto hao amesema mtoto huyo wa kiume atampatia jina la Steven ili kuenzi siku ya kumbukumbu ya kifo cha Kanumba.

Nao uongozi wa Hospitali ya mkoa wa Iringa kupitia muuguzi mkuu Onolatha Mbwelwa amesema wasanii wote nchini wanapaswa kuiga mfano huo wa wasanii wa Iringa, kwani suala hilo limeonyesha upendo juu ya msanii mwenzao Kanumba aliyekuwa ni kipenzi cha watanzania katika tasnia hiyo ya filamu.

MWISHO

WAVUNAJI SAOHILL WAIJIA JUU SERIKALI

 Mkuu wa Wilaya ya Mufindi Evarista Kalalu (Katikati) akiwa na meneja wa Shamba la msitu wa Saohill Salekh Beleko (Mwenye suti nyeusi) na kulia ni Mwenyekiti wa wavunaji Christian Ahia wakisikiliza jambo katika mkutano huo wa wavunaji uliofanyika katika ukumbi wa Halmashauri ya Wilaya ya Mufindi- Iringa.

 Baadhi ya wavunaji wa Shamba la msitu wa Saohill wakiwa katika mkutano huo.

 Baadhi ya wavunaji wakiwa katika mkutano huo wa kugomea utaratibu mpya wa ugawaji wa vibari kwa utaratibu wa mnada.

 Meneja wa Shamba la msitu wa Saohill Salekh Beleko na mkuu wa wilaya ya Mufindi Evarista Kalalu wakisikiliza michango ya wavunaji.

 Mmoja wa viongozi wa wavunaji wa Shamba la msitu wa Saohill Mufindi (Kulia) akiwaza juu ya utaratibu huo wa mnada. Kulia ni Salekh Beleko meneja wa shamba, wakiwa katika mkutano wa wavunaji.

 Manufaa ya Msitu wa Sao hill- ni gari lililotengenezwa kwa Mbao na mmoja wa wadau wa msitu wa Saohill Bw. Kenned Mwangoka.

 Bw. Kenny .. akiwa katika usukani wa gari lake hilo la Miti, ambalo nila pili tangu aanze ubunifu huo, na sasa amepewa tenda na rais wa Botswana mfalme Mswati kutengeneza gari la Mbao kama ni sehemu ya kudumisha Utalii nchini Botswana

 Bw. Kenny Mwangoka mmoja wa wadau wa shamba la msitu wa Saohill na mbunifu wa magari ya mbao Wilayani Mufindi- Iringa akiteremka katika gari lake hilo aina ya Hiace, lenye uwezo wa kubeba abiria zaidi ya 10.

 Mmiliki wa Mtandao huu, Bi Oliver Motto akishuhudia usafiri wa Mbao wenye uwezo wa asilimia 100 sawa na aina ya gari halisi hiyo aina ya Hiace.

<<<HABARI >>>

WAVUNAJI wadogo wa miti, katika shamba la Taifa la Sao hill lililopo Wilaya ya Mufindi mkoani Iringa, wamesema msitu huo wa Taifa upo hatarini kuteketezwa kwa moto, endapo  serikali itasimamia msimamo wake wa kuendesha zoezi la utoaji vibari kwa njia yamnada.

Wakizungumza katika mkutano wa kuligomea suala hilo la mnada, katika ukumbi wa Halmashauri ya Wilaya ya Mufindi, wavunaji hao wamesema utaratibu wa mnada utawafanya wao wavunaji wadogo wakose fulsa ya kupata vibali hivyo na hivyo kuwa mashuhuda wa wenye fedha wakinufaika na rasilimali hiyo.

Wavunaji hao wameipinga serikali kutumia njia hiyo, kwa madai kuwa itaufanya msitu huo uteketezwe kwa moto, kwani hakuna mwananchi wa Wilaya hiyo atakayekubali kuona rasilimali hiyo ambayo ardhi yake imetolewa na wazazi wake ikiwanufaifa watu wengine tena kutoka nje ya Wilaya ya Mufindi na mkoa wa Iringa.

Francis Bange amesema hawaoni sababu ya serikali kukurupuka na kuanzisha utaratibu huo ambao wao kama wadau wakuu wa msitu huo hawajashirikishwa wala hawafahamu maana na umuhimu wa utaratibu huo, ambapo ameiomba serikali iwahusishe wananchi katika mipango na mikakati yake yote ya shamba hilo.

Apollo Mahenge yeye ameiomba serikali itoe elimu kwanza kwa wananchi juu ya taratibu hizo mbili, Mnada na utoaji wa vibari utaratibu wa kawaida uliozoeleka na wananchi wote, kuliko kuwalazimisha kuingia katika mfumo wa mnada ambao hawajatambua umuhimu, hasara, uzuri hata ubaya wake.

“Hatufahamu maslahi wala athari za mnada, hatuwezi kukikubali kitu ambacho hatukifahamu, tungeiomba serikali itufafanulie ili tuweze kupima kati ya mnada au vibari, kwani hatuwezi kukubaliana na jambo ambalo hatujui umuhimu, manufaa, uzuri, ubaya  wala faida zake,” Walisema.

Matekeleza Mwachang’a amesema haoni sababu ya serikali kukikmbilia utaratibu huo wa kujiongezea mapato na kumsahau mwananchi wa Mufindi ambaye ndiye mtoaji wa ardhoi hiyo bure kwa serikali.

Mwachang’a amesema yeye kama mvunaji mkongwe katika shamba hilo na mlinzi mkuu hakubaliani na utaratibu huo ambao hata wananchi wenye shamba lao hawajajulishwa, huku watu wasionacho wakitengwa na waliokuwa nacho wakibebwa na serikali kupitia mpango huo wa mnada.

Amesema kila mvunaji mmoja ametoa ajira isiyopungua ya watu 14 katika kazi hiyo ya uvunaji, usombaji, upakiaji, ulinzi na upasuaji, na endapo wavunaji wataikosa fulsa hiyo ajira zaidi ya elfu 14 itakosekana na hivyo kuibuka kwa matukio ya uharifu katika Wilaya hiyo.

“Leo tunapozungumzia suala hili la mnada naliogopa sana jambo hili, ninawananchi wengi niliowaajiri ninaisaidia serikali kutoa ajira, hawa wote nitawapeleka wapi, na watafanya kazi gani baada ya sisi wavunaji wao kunyang’anywa hii haki ya kumiliki shamba an kupewa wenye uwezo mkubwa wa fedha,” Alisema Matekeleza.

Godfrey Mosha mmoja wa wavunaji wa msitu huo amesema utaratibu unaotaka kuanzishwa na serikali haujawashirikisha wananchio na hata wadau wa msitu huo, jambo ambalo linaweza kuzua utata mkubwa katia ya wenye ardhi “wananchi”  na wadau wa msitu huo.

Mosha amesema uuzwaji wa vibali kwa njia ya mnada itapandisha gharama za zao la misitu na hivyo wananchi kushindwa kujikwamua kujenga nyumba bora kwa kushindwa kumudu gharama za ununuaji wa mbao, na kuwa maamuzi yaliyofikiwa na serikali hayakuwaangalia zaidi wananchi.

Pia amesema msitu huo kwa wananchi wa Mkoa wa Iringa ni sehemu ya ajira wanayoitegemea, kwani umetoa zaidi ya ajira milioni 14 kwa watanzania, na mpango huo wa BRN katika Wizara hiyo ya maliasiri na utalii kupitia idara yam situ huo haijawatendea haki wananchi, kwanio itawakandamiza zaidi na hivyo Falsafa ya “maisha bora kwa kila Mtanzania” itakwama.

Mwenyekiti wa Halmashauri ya Wilaya ya Mufindi Peter Tweve, amesema uuzwaji wa vibali kwa njia hiyo ya mnada utaongeza tatizo kubwa la wananchi kutokuwa na ajira na hivyo kuibuka kwa wimbi la matukio ya uharifu, kutokana na asilimia kubwa watu wa Mufindi kutegemea msitu huo kiuchumi.

Mwenyekiti wa wavunaji wadogo wa msitu huo wa Saohill Christiani Ahia, amesema utaratibu huo utawafanya wananchi wa Wilaya ya Mufindi kutokuwa na manufaa na msitu huo, kwa  wakibaki kuwa walinzi na wazimaji wa moto pasipo kupata manufaa yoyote, jambo ambalo ni hatari kwa serikali.

“Taratibu za uvunaji wa misitu ya Saohill ndizo zilizotuchelewesha sisi wavunaji wadogo tushindwe kuingia katika ushindani katika mnada mpaka sasa ni masikini, kwani taratibu zilizopo zimetubana mpaka sasa ni masikini, Sisi watu wa Mufindi ni wastaarabu sana kwa Serikali, hatujawahi kufanya vurugu hata sikumoja, tumeilea huu msitu kwa miaka zaidi ya hamsini, tufaidike jamani!!,” Alisema Tweve.

Aidha ameongeza kuwa… “Serikali ndiyo imetufanya wananchi wa Mufindi tuwe masikini siku zote, lakini leo inapokuja na mpango huu wa Mnada inalenga kutunyang’anga haki ya kunufaika na msitu wetu, kwani hapa hakuna atakayeweza kushindandna na wenye fedha watakaokuja kununua msitu huu,” Alisema Tweve.

Mkuu wa Wilaya ya Mufindi Evarista Kalalu aliyehudhuria mkutano huo, amesema hana taarifa rasmi za kuanzishwa kwa mpango huo wa mnada, kwa kuwa ofisi yake haijapokea  barua yoyote juu ya utaratibu huo mpya.

Meneja wa Shamba la Saohill Salekh Beleko amekiri kuwepo kwa mpango huo, na kuwa chanzo cha uanzishwaji wa utaratibu huo katika Wizara ya maliasili na utalii ni Wizara ya fedha ambayo ilihitaji kwenda haraka katika mpango wa Matokeo makubwa sasa yaani Big Result Now BRN.

Beleko amesema mpango huo uliingia kwa dirisha la wizara ya fedha ili kuiwezesha serikali kukusanya mapato kwa wingi, ambapo Wizara ya maliasili  na utalii ilionekana inafanya biashara ya wanyama na misitu.

“Sisi tumeingia kwa dirisha la wizara ya fedha ili kuleta matokeo makubwa sasa na ilionekana mnada ndiyo suluhisho, na haikuwa sehemu yote yam situ bali ni sehemu ya misitu asilimia 70 ya mazao yanayotarajiwa kuuzwa yauzwe kwa mnada, na asilimia 30 yauzwe kwa njia ya kawaida,” Alisema Beleko.

Aidha Beleko amesema serikali baada ya kutambua umuhimu wa wananchi wake katika kuutegemea msitu huo, ilifanya mageuzi kwa kubadili asilimia 70 iuzwe kwa njia ya kawaidda ya utoaji wa vibari, huku asilimia 30 ikitakiwa iuzwe kwa njia ya mnada.

MWISHO

WALEMAVU WALALAMIKIA KUTEGWA SIKU YA WANAWAKE

 Baadhi ya washiriki wa siku ya wanawake duniani wakipita katika barabara ya Mashinetatu mjini Iringa wakielekea uwanja wa Mwembetogwa kwa ajili ya maadhimisho ya siku hiyo.

 Baadhi ya wanawake wakioshiriki siku ya wanawake duniani wakielekea uwanja wa Mwembetogwa kwa ajili ya maadhimisho ya siku hiyo.

Baadhi ya washiriki wa siku ya wanawake duniani wakipita katika barabara ya Mashinetatu mjini Iringa wakielekea uwanja wa Mwembetogwa kwa ajili ya maadhimisho ya siku hiyo.

<<<HABARI>>>

WANAWAKE walemavu wa manispaa ya Iringa wamelalamikia hali ya kutoshirikishwa katika mipango ya siku hiyo, kwa madai kuwa hali hiyo inachangia wao kubaki nyuma katika siku hiyo muhimu kwao.

Walemavu hao wameyasema hayo katika uwanja wa Mwembetogwa wakati wa maadhimisho ya siku ya Mwanamke duniani ambapo Manispaa ya Iringa imeadhimisha katika uwanja huo,  ambapo Wanawake walioshiriki katika siku hiyo walivaa sare na walemavu hao kujikuta wakiwa wako tofauti na wenzao kwa kukosa sare.

Grace Dalu mmoja wa wanawake walemavu waliohudhuria sherehe hiyo, amesema Manispaa ilipaswa kuwashirikisha ili kuwa na muonekano mmoja katika sherehe hiyo, kuliko hali hiyo ambayo imeonekana kuwagawa.

Lukia Chagama amesema kumekuwa na matabaka katika kusherekea siku hiyo, huku wanawake walemavu hususani waishio maeneo ya pembezoni mwa mji siku hiyo wakiisikia katika vyombo vya habari pekee, jambo ambalo linawakosesha amani, wakati serikali inahimiza makundi maalumu  kushirikishwa katika masuala mbalimbali ya kijamii pasipo kubaguliwa.

Modesta Mkini katibu wa chama cha walemavu CHAWATA Wilaya ya Iringa licha ya tofauti iliyojitokeza katika siku ya wanawake, lakini kundi hilo la walemavu limekuwa halifikiwi hata na mikopo ya serikali ambayo imekuwa ikitengwa kwa ajili yao.

Mkini amesema mafungu ya fedha za walemavu kama yatawafikia moja kwa moja walemavu, basi wataweza kujikwamua na hali ngumu ya kiuchumi waliyonayo, kwa madai kuwa zingewawezesha shughuli za ujasiriamali.

Lakini katika siku hiyo ya wanawake, wanawake wenye ulemavu wameonekana idadi yao ni ndogo isiyozidi walemavu kumi jambo ambalo linaonekana kundi hilo kutoshirikishwa vya kutosha.

Afisa maendeleo wa Manispaa ya Iringa Susan Nyagawa anakiri kuwepo kwa changamomoto hiyo na kuwa mwaka unaofuata wanawake  wenye ulemavu watapewa kipaumbele kwa kushirikishwa moja kwa moja pamoja na kuwajali.

 

Hata hivyo wanawake hao wametoa misaada mbalimbali ya kujikimu kwa watoto yatima na waishio katika mazingira hatarishi ikiwa ni sehemu yao ya kuonyesha umuhimu wa kundi hilo la watoto katika jamii.

MWISHO

AIRTEL YAKABIDHI VITABU TOSAMAGANGA

 Baadhi ya wanafunzi wa shule ya sekondari Tosamaganga- Iringa

 Viongozi wa kampuni ya simu za mkononi ya Airtel wakiwa na baadhi ya walimu wakati wa hafla hiyo ya kukabidhiana vitabu.

 Meneja wa kampuni ya Airtel Beda Kinunda akitoa ufafanuzi juu ya msaada huo wa vitabu kwa shule hiyo ya sekondari ya wavulana ya Tosamaganga.

   Afisa mauzo (Biashara) wa kampuni ya Airtel mkoa wa Iringa Hudson Kamenya akiwa shuleni hapo Tosamaganga.

 Mkuu wa shule ya sekondari Tosamaganga - Iringa Damas Mgimwa akipokea baadhi ya vitabu kutoka kwa afisa mauzo wa kampuni ya Airtel Hudson Kamenya.

 Mmoja kati ya wanafunzi wa sekondari Tosamaganga akipokea baadhi ya vitabu vya masomo ya Hisabati na Sayansi.

 Mmoja kati ya wanafunzi wa sekondari Tosamaganga akipokea baadhi ya vitabu vya masomo ya Hisabati na Sayansi.

 Mmoja kati ya wanafunzi wa sekondari Tosamaganga akipokea baadhi ya vitabu vya masomo ya Hisabati na Sayansi.

 Mmoja kati ya wanafunzi wa sekondari Tosamaganga akipokea baadhi ya vitabu vya masomo ya Hisabati na Sayansi.

 Baadhi ya wanafunzi wa sekondari ya Tosamaganga wakiwa na vitabu, walivyokabidhiwa na kampuni ya simu za mikononi ya Airtel

 Baadhi ya wanafunzi wa sekondari ya Tosamaganga wakiwa na vitabu, walivyokabidhiwa na kampuni ya simu za mikononi ya Airtel.

 Meneja wa Airtel mkoa wa Iringa Beda Kinunda akimkabidhi Box  la Vitabu mkuu wa shule ya sekondari Tosamaganga damas Mgimwa

 Meneja wa Airtel mkoa wa Iringa Beda Kinunda akimkabidhi Box  la Vitabu mkuu wa shule ya sekondari Tosamaganga damas  Mgimwa

 Mkuu wa shule ya Sekondari Tosamaganga - Damas Mgimwa akishuhudia wanafunzi wakishangilia msaada huo wa vitabu kutoka kampuni ya Airtel.

 

 <<<HABARI>>>

KAMPUNI ya simu za mkononi ya Airtel imekabidhi vitabu vya masomo ya Sayansi, kwa wanafunzi wa shule ya sekondari ya Tosamaganga, kwa lengo la kupungua ukali wa tatizo la vitabu shuleni hapo.

Akikabidhi msaada huo meneja wa kampuni ya Airtel mkoa wa Iringa Beda Kinunda amesema kampuni yake imejiwekea mikakati ya kusaidia sekta ya elimu, kwa kutoa vitabu ambavyo ni tatizo sugu kwa shule nyingi za sekondari hapa nchini.

Kinunda amesema  Airtel imetoa msaada huo kupitia mpango wa “Shule yetu” ambapo  kampuni hutoa msaada wa vitabu vya masomo ya sayansi kwa shule zenye uhitaji - lengo likiwa ni kuinua kiwango cha elimu nchini.

Hudson Kamenya- Afisa biashara wa Airtel mkoa wa Iringa  na kuwa shule ya Tosamanganga ni kati ya shule zenye changamoto za vitabu na Tosamaganga ni shule yenye bahati zilizochaguliwa na kampuni hiyo.

Hiraly Sandagila mwalimu wa taaluma Tosamaganga amesema kuna upungufu mkubwa wa vitabu vya masomo ya Sayansi, Somo la Physicia kuna vitabu 23 uhitaji ni 3527 na hisabati 24 ambapo kitabu kimoja uwiano  nikwa wanafunzi 17 huku uhitaji 529.

Sandagila amesema kwa somo la Chemia kuna afadhari kwani vitabu vilivyopo ni 300 huku mahitaji yakiwa vitabu 100 na vitabu vya Biologia vipo 38 mahitaji ni zaidi ya vitabu 260, na kuwa msaada huo utasaidia kupunguza tatizo la upungufu wa vitabu hususani vitabu vya Hesabu na Pysicia.

Sandagila ameishukuru kampuni ya Airtel kwa kuliona tatizo hilo, kwa madai kuwa baadhi ya wanafunzi wanmwamko wa elimu lakini wamekuwa wakikwamisha na hali ya upungufu wa vitabu, na hivyo kushindwa kujisomea.

Mkuu wa shule hiyo ya Sekondari Tosamaganga  Damas Mgimwa amewataka wanafunzi hao kuvitunza vitabu hivyo ili viwasaidie kujisomea zaidi na kuongeza kiwango cha ufaulu.

Nao wawakirishi wa wanafunzi hao wa sekondari ya Tosamaganga - Dominic Kamugisha na Frolian Mwebesa wameishukuru kampuni hiyo ya Airtel kwa msaada huo.

MWISHO